О‘zbekiston Respublikasi Oliy ta’lim, fan va innovatsiyalar vazirining 2025-yil 29-yanvardagi “О‘zbekiston Respublikasi Prezidenti va nomli davlat stipendiyalari tanlovlarida ishtirok etish uchun onlayn ariza yuborish axborot tizimidan foydalanish reglamentini tasdiqlash tо‘g‘risida”gi buyrug‘i hamda akademiya rektorining 2025-yil 3-fevraldagi 04-04/2-i-son buyrug‘i ijrosini ta’minlash maqsadida, talabgorlar va ularning ilmiy rahbarlari hamda akademiya mas’ul xodimlari ishtirokida yig‘ilish bо‘lib о‘tdi.
Akademiya rektori Sh.Toxtasimov yig‘ilish ishtirokchilarini buyruqlar va reglamentning mazmun-mohiyati bilan yaqindan tanishtirib, talabgorlar va ularning ilmiy rahbarlari oldida turgan vazifalar hamda kelgusida amalga oshirilishi lozim bо‘lgan ishlar bо‘yicha aniq kо‘rsatmalar berdi.