Kuni kecha, 15-mart kuni Toshkent davlat iqtisodiyot universitetida bo’lib o’tgan, talaba-qizlar o‘rtasida an’anaviy o’tkazilib kelinayotgan “MISS UNIVERSITY” go‘zallik va iste’dod tanlovida O’zbekiston davlat xoreografiya akademiyasi rektorining yoshlar masalalari bo’yicha maslahatchisi – Yoshlar yetakchisi Hamroz Xalilov hakamlar hay’ati a’zosi sifatida ishtirok etdi.
Mazkur nufuzli tanlov universitetning faol va iqtidorli talabalarini qo‘llab-quvvatlash, ularning ijodiy salohiyatini yuzaga chiqarish, sahna madaniyatini shakllantirish hamda iste’dodli talaba-qizlarni aniqlash maqsadida tashkil etilib, ishtirokchilar o‘zlarining noyob qobiliyatlari, sahnadagi chiqishlari bilan tomoshabinlarda ajoyib taassurot qoldirdilar.
