Kuni kecha, 23-aprel kuni O‘zbekiston davlat xoreografiya akademiyasi xodimlari va bir guruh talabalari Muqimiy nomidagi Davlat musiqali teatrida “Kuyovning omonati” nomli musiqali komediyani tomosha qildilar. Jonli musiqa va yumorga boy bo’lgan ushbu spektaklni tomoshabinlar ko‘tarinki kayfiyatda qarshi oldilar.
Talabalarning milliy teatr san’atiga chuqurroq kirib borishining imkonini beruvchi bunday madaniy tadbirlar, ularda estetik tafakkurni oshirishda, teatr san’atiga bo‘lgan qiziqishlarini mustahkamlashda muhim ahamiyat kasb etadi.
