Bugun Oʻzbekiston davlat xoreografiya akademiyasi bakalavriat ta’lim yo’nalishlari va magistratura mutaxasisliklari talabalari uchun
“Mustaqillik darslari” tashkil etildi. Professor-oʻqituvchilar tomonidan vatanga boʻlgan muhabbat, farzandlik burchi kabi yuksak insoniy fazilatlar, mustaqillikdek oliy neʼmatni qadrlash, asrab-avaylash zarurligi, shuningdek, soʻnggi yillarda mamlakatimiz taraqqiyoti, bu borada amalga oshirilayotgan islohotlar, bugungi kundagi keng imkoniyatlar toʻgʻrisida maʼruzalar qilindi.
Qolaversa, bugundan boshlab “Mustaqillik darslari” bilan birgalikda, 1-kurs talabalari uchun akademiyada bir haftalik dastlabki tanishtiruv jarayonlari boʻlib oʻtadi. Joriy oʻquv yilidan boshlab akademiyada 2022-2023-oʻquv yili uchun talabalikka qabul qilingan talabalar kredit-modul taʼlim tizimiga oʻtgani munosabati bilan ularga ushbu tizimning oʻquv jarayoniga tatbiq etilish tartibi, mazmun-mohiyati boʻyicha atroflicha tushuntirishlar olib boriladi.
